السلام عليكم ورحمة الله وبركاته
اول حاجة ربنا شاهد علي كلامي اللي هقوله واللي هبلغه واللي نويت اعمله في اي موقع يخص الصيادلة
فيه شركة اسمها دواء الصفوة شركة صيدليات بالسعودية شركة سيئة جدا الصفوة يعني
انصح اي حد ميجيش عليها حتي لو مفيش غيرها للسفر
لان مشاكلها كتير ومبتخلصش انا هذكر منها شوية امثلة واللي عايز يستفسر مني بس يبعتلي
رساله علي رقم الموبايل اللي هكتبه وانا هتصل بيه عشان مكلفوش فلوس
أولا: معامله سيئة جدا من مدير لمجموعه علي المغربي
ثانيا: المرتب بيتاخر في النزول ممكن يوم 15 بالشهر بالرغم من حاجة الناس للفلوس دي
بالذات ان عندهم اسر في مصر غير الخصومات اللي بتنزل عليه
ثالثا:لو هتنزل اجازة او نهائي بعد م تخلص عقدك بيخلي عنده مرتب شهر وكمان التارجت بتاعك
دا اصلا لو هيديك نسبة لانهم مبيدوش وكمان بيخصموا كل حاجة عليك من الالف للياء
رابعا: انا اسف اني كتبت الموضوع ده هنا

السلام عليكم ورحمة الله وبركاته ,

مرحبا بك أخى أحمد ,

أقدر تماما الموقف اللى انت فيه فتجربتك هذه ليست الأولى من نوعها فما تقوله يتكرر كثيرا وفى عدة أماكن مختلفة ولا أحد يتعظ ولا يوجد أى دعم نقابى للصيادلة خارج مصر فى مثل هذه الحالات على حد علمى .

استعين بالله واسعى لأخذ حقوقك يطرق شرعية واعلم أنه اذا ضاع حقك فى الدنيا (لا قدر الله ) فلن يضيع فى الآخرة .

ملحوظة هامة
حق الرد مكفول لأى أحد يعمل فى صيدليات الصفوة .

شكرا يا دكتور حاتم
بس انا كل اللي يهمني ان الصيادلة ميتخدعوش في المجموعة دي بالذات بعد صدور قرار من
مكتب القوي العاملة بوقف التعامل معاها وانا هكتب النص ليكم
[size=150]حظر التعامل مع مؤسسة دواء الصفوة في السعودية وافقت عائشة عبد الهادي وزيرة القوى العاملة والهجرة المصرية على منح رخص مزاولة نشاط لـ59 شركة جديدة لإلحاق العمالة المصرية بالخارج ليصل إجمالي عدد الشركات التي تعمل في مجال إلحاق العمالة المصرية بالخارج نحو 645 شركة، إضافة إلى 11 شركة أخرى تم إيقاف نشاطها مؤقتا، لثبوت ارتكابها مخالفات و229 شركة أخرى تم إلغاء نشاطها بالفعل.
وأشارت الوزيرة المصرية إلى أن الفترة الأخيرة شهدت إقبالا متزايدا من جانب القطاع الخاص على تأسيس شركات جديدة لإلحاق العمالة المصرية بالخارج ، موضحة أن وزارتها ترحب بهذه الشركات شريطة التزامها بتطبيق اشتراطات ونصوص قانون العمل..


وذكرت أن عدد الشركات الصادر بشأنها قرارات فرض حظر التعامل يصل لنحو 45 شركة في خمس دول عربية..
يذكر أن وزيرة القوى العاملة والهجرة المصرية أصدرت قرارا بحظر التعامل مع مؤسسة دواء الصفوة في السعودية وعدم إمدادها بأية عمالة مصرية نتيجة تكرار الشكاوى المقدمة ضدها وثبوت تجاوزها في حقوق العمال المصريين وكذلك عدم تعاونها مع مكتب التمثيل العمالي لحل تلك المشكلات[/size]

الرابط بتاع الموضوع ده اهو:http://www.almasry-alyoum.com/article2.aspx?ArticleID=266153&IssueID=1864

السلام عليكم ورحمه الله وبركاته انا صيدلي اعمل في صيدليات دواء الصفوه واقسم بالله ان اقول الحقيقه والله علي مااقوله شهيد. انا صديق د احمد راغب وهو يعرفني جيدا واقول له حرام عليك لانك تفتري علي الناس بالباطل لانه لم يظلمك احد وانت اخذت حقوقك بالكامل واستلمت باسبورك عشان تسافر وانت اللي رفضت السفر بالرغم انك انت جيت المجموعه واشتغلت بها خمس شهور فقط وكنت مثال للصيدلي السئ والذي يسئ لنا جميعا ود علي جلس معك بعد ان قام المشرف بتاعك بعمل خطاب للاداره انك لا تصلح للعمل وعلي فكره يا جماعه المشرف فلسطيني وراجل محترم ومع ذلك الاداره اعطيتك فرصه اخري للعمل لكن انت قولت لا انا مش عاوز اشتغل وانت اشتغلت قبل كده في مجموعه صيدليات في جده ومكملتش معاهم سنه وايضا رفدوك لسؤ اخلاقك وعدم اكتراثك للعمل واقسم بالله العلي العظيم ان كل كلمه كتبتها صدق والله علي ما اقوله شهيد واتمني من اداره المنتدي ان لا يسمحو لاحد بالغلط في حق الاخرين بدون دليل لان هذه امانه اشكركم وكل عام وانتم بخير

بسم الله الرحمن الرحيم
اولا انت لا صديق ولا حاجة ولو انت كلامك فيه نقطة صح كنت قول اسمك
انما متضربش تحت الحزام انا اصلا معرفش غير اتنين صيادلة هما اصدقائي
إنما كونك هتيجي تتمحك فيا وتتلزق وتتهمني بصصداقتك..... انسي
ثانيا ان كنت انا مختل عقليا مكنتش اتقبلت في البوردة الكندية
ثالثا المشرف الفلسطيني الذي تقول عليه هو محترم فعلا
وانا مقلتش عليه حرف واحد غلط ولا هقول لان مواقفه معايا انا حافظها
بس ليه بأه طلع عليه عجز 32 الف ريال في صيدليته؟؟
ع الاقل انا مطلعش عليا ريال واحد عجز يبقي لما مشرف يطلع عليه 32 الف
يبقي ايه ?
رابعا : انا لم اقبض غير شهر فبراير فقط ولم يتم تخريج نهائي لي
وكلمة أخيرة انا لما قعدت مع المشرفين بتوعك والادارة بتاعتك
كلهم محدش فيهم عرف يسد قدامي ولا حد عرف ينطق
ولو كنت مختل عقليا مكنوش قالولي هننقلك صيدلية تانية
وامضي لينا هنا علي الجواب ده اللي مكتوب فيه كلام يضحك
قال الصيدلي جاي للسعودية عشان يتسلي ومش جاي يشتغل
و المهم اتقفل عليكم في مصر ابقي قابلني باه
هههههههههههههههههههههههههههههههههههه
رابط حظر مجموعة دواء الصفوة:http://www.almasry-alyoum.com/article2.aspx?ArticleID=266153&IssueID=1864

احمد انت صيدلي بالصدفه ولو مش فاكر افكرك وانت عارف انا بتكلم عن ايه لكن كل الناس في المجموعه عارفه انك مختل عقليا ونهايتك هتكون مثل نيتك والله انك كاذب وانك انسان مريض وانت عارف انا مين كويس ومش هذكر اسمي عشان محدش يقول اني بشهد بحق ربنا عشان مستني حاجه من الاداره لكن اشهد شهاده لوجه ال

دا مين دا اللي صيدلي بالصدفة؟؟ انت شكلك لاسع
لو انا حارقك اوي كده ولع في اسمي وخلاص
وياريت تفكرني...يمكن اكون وصفت باراسيتامول للاسهال
خليك كده قول انا عارفك وانت عارفني وافكرك وتفكرني
انت المفروض تبطل كلام خالص طالما مش قادر تقول اسمك
دا انت من كدبك كلمة الله مش راضية تتكتب عندك
ياعم طالما انت مش منافق كده وواثق من نفسك وصاحبي
وخايف باه لا احنا نقول عليك تبع الشركة ابعتلي رسالة
ع الخاص وقولي اسمك (طبعا مش هتقدر ,ماهي دي سمة المنافق
إذا حدث كذب, وبطالب المشرفين يشوفوا الاخ المنافق دا
اللي بيتلزق فيا وعمال يدعي انه زميلي وصاحبي
وانا برئ من الناس دي ولا عمري شوفته والله ولا كلمته)
اتصل بيا قولي انما انت كداب وبتاع كلام هيص بأه مع نفسك
ع العموم يا د حاتم انا هديكم الموقع الرسمي اللي نشر الخبر ده
http://www.almasry-alyoum.com/article2. ... sueID=1864
اظن يا دكتور حاتم لو لقيت الخبر صح
ساعتها بأه تعرف مين اللي بيكلم بحق ربنا
مش مين اللي داخل بيتلزق في الناس
يابني والله ما اعرفك ههههههههههههههه